5.6.2011 | 20:45
Síðasti dagurinn í Hollandi
Það var gott að geta sofið lengur í morgun. Við fórum ekki í morgunmat fyrr en klukkan 9 og sáum þá að það var rigning. Við vorum búin að ákveða að fara á Tæknivísindasafnið hér í Delft. Við tókum strætó þangað og það gekk ljómandi vel. Við vorum í fjóra tíma á safninu. Það mátti fikta í öllu en tækin voru misskemmtileg. Það var m.a. hægt að byggja hús og láta síðan koma jarðskjálfta þangað til að húsin hrundu. Þá lærðum við líka hvernig á að búa til lífrænt eldsneyti. Það var líka hægt að standa inni í búri og úr loftinu féllu boltar sem átti að grípa og setja í trekt. Einnig var hægt að stjórna róbótum og fara í tölvuleiki. Svo var nokkuð af þrautum sem átti að leysa.
Þegar við vorum búin á safninu röltum við í bæinn. Við byrjuðum á því að fá okkur að borða. Í bænum voru ýmsar uppákomur. Til dæmis var fólk á stultum og fjöllistafólk. Eftir að hafa fylgst með um stund var ákveðið af hafa frjálsan tíma í tvo tíma. Þá kíktum við aðeins í búðir og keyptum ís. Klukkan sex hittumst við hjá stærsta kirkjuturninum og fórum þaðan á ítalskan veitingastað þar sem við borðuðum pizzur og pasta. Af því að Eyjalín Harpa á afmæli í dag þá fékk hún ís sér til heiðurs. Og auðvitað var sungið fyrir hana nokkrum sinnum í dag.
Um hálf níuleytið röltum við heim á leið. Komum við í sjoppu og keyptum smá nammi. Nú ætlum við að fara að pakka. Á morgun klukkan níu leggjum við af stað frá Delft og flugið okkar heim er klukkan tvö. Vonandi gengur ferðalagið heim vel.
Meira síðar - kveðja Frumurnar
Færsluflokkar
Bloggvinir
Myndaalbúm
Af mbl.is
Viðskipti
- Harpa eykur rekstrartekjur sínar
- Sýn sendir frá sér afkomuviðvörun
- Boeing tapar 50 milljörðum á þremur mánuðum
- Arion banki hækkar vexti
- Verðbólgan komin niður í 6%
- Hagnaður Tesla hrapar en hlutabréfin hækka
- Tekjuhæsti fyrsti ársfjórðungur í sögu Icelandair
- Bitcoin-námur hrekjast á brott frá Evrópu
- Vilja gera upp við nemendur Flugakademíunnar
- Anna Kristín ráðin til atNorth
Athugasemdir
Það er greinilega búið að vera mjög gaman hjá ykkur.
Og gott að allt hefur gengið vel.
Það hefur verið alveg frábært að fylgjast með ykkur hérna á síðunni.
Eigiði góða ferð heim.
Guðrún Ósk Óskarsdóttir (IP-tala skráð) 5.6.2011 kl. 20:59
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.